BIXEN MADOTZ. Esperientzia handia dauka aterpeei dagokienez. Belaguako aterpean lanean aritu zen 3 urtez eta baita Estóseko aterpean (Aragoiko Pirinioak) urte t´erdiz ere. Iruñekoa da jaiotzez eta betidanik ibili da mendian gora eta behera, eskien gainean, eskalatzen, izotz eskalada egiten edo oinez. E.G.M.E.ko (Euskal Goi mendi Eskola) alpinismo eta mendi eskiko irakaslea da

OLATZ TELLETXEA. Txikitatik ibili da mendian eta naturarekin harremana daukan edozein ekintza egiten du gustora. Eskola mendizaletasuna programan lan egin zuen haur eta gazteekin mendi bueltak, eskalada, kobazuloak eta orientazioa bezalako ekintzak eginez. E.G.M.E.ko (Euskal Goi mendi Eskola) mendi eskiko eta alpinismoko irakaslea da.

IMANOL TELLETXEA. Mendizale amorratua da gazte-gaztetatik. Euskal Herriko zein atzerriko bazterrik ederrenak bilatzea da bere zaletasuna eta mendiko eskiekin mugitzen denean disfrutatzen du gehien. Donostiako Izadi mendi dendan aritu da urte luzez lanean. Bere bidaiei buruzko argazki eta bideo muntaiak egiten ditu eta hainbat emanaldi antolatu ditu azken urteotan.