Xoxoteko aterpea

Iruñeko karriketatik gipuzkoako mendi berdeetara salto egin zuten, duela bi asteburu, lagun nafar hauek.

Laino artean ezin izan zuten paisaiaz gehiegi gozatu, baina halere mendibuelta batzuk egin zituzten, eta esan digutenez oso gustora egon ziren.
(sukaldean entxufea dute gainera, jeje!).

Nahi duzuenean bueltatu eta ia eguzki pixkat enkargatu dezakegun!!

Besarkada bat eta ondo segi!

Azken hilabeteetan berritze lanetan aritu gara Xoxoten, eta aterpeko logeletako bat, beheko pisuan dagoena, berritu eta handitu dugu.

Gela hau isolatu gabe zegoen, eta hezetasun eta hotz handia pilatzen zen bertan.
Paretak isolatu eta egurrez estali ditugu, leihoak berritu ditugu eta radiadoreak jarri ditugu. Honetaz gain, bi alturatan banatu dugu, goian lau pertsonentzako gela txiki bat geratu delarik, eta behean bederatzi lagunentzako tokia dagoelarik, literatan banatuta.

Aterpe librea ere egurrez estali dugu kanpotik, eta leihoak berritu ditugu hemen ere.

Lan hauek Lagun Onak M.B.ren bitartez eraman ahal izan ditugu aurrera.

Hemen dituzue argazki batzuk.
Nahi duzuenean etorri eta probatu….ONDOLOIN!!

Ostiraletik larunbaterako gaua Erloko puntan pasa zuten lagunek bidalitako argazkiak uzten dizkizuegu.

Eskerrik asko!!

Ostiral gauean, ilargi beteko zeru garbiarekin, Ehun Milak-eko korrikalariak pasa ziren Xoxoteko aterpe aurretik.
Lehenengoak 23:30ak aldera heldu ziren, nahiko frexko eta aurpegi onarekin oraindik. Aurretik beste ehun km. zeuzkaten egiteko!!!
Meritu haundia eta sufritzeko ahalmen izugarria daukatela ezin ukatu.

Guk bitartean, antolakuntzakoekin batera, korrikalariak animatu eta txalo artean agurtu genituen, gure bultzada txikia emanez.

Patxarana gau luzeari aurre egiteko lagungarri izan zen…

Lehenengo korrikalariak.

Javi Domingez Gasteiztarrak irabazi zuen proba, laisterketako 167 kilometroak egiteko, 24 ordu eta 49 minutu behar izan zituelarik. Helmugara heltzen bigarrena, Jose Vicente Benito izan zen, 25 ordu eta 11 minututan burutu zuelarik ibilbidea.
Pedro Germano portugaldarra izan zen hirugarrena, Joxelu Albizuri azkoitiarra laugarren postuan heldu zen eta Nerea Martinez, lehenengo emakumea, bostgarren iritxi zen Beasaingo helmugara.

ZORIONAK PARTE HARTZAILE GUZTIEI!!!

Ekainaren 18an, larunbat lainotu batetan, Argia dantza taldeko musikari eta dantzariak izan genituen Xoxoten.
Azpeitiko lagun batzuekin batera talde ederra osatu genuen, eta bazkalondoko dantza eta kantuak berandurarte luzatu ziren…hurrengo urtean bertan geratu beharko zarete lotan!
Atzegi-ko kuadrillak ere parte hartu zuen festan, eta kalejiran oso gustora ibili ziren elkarri helduta.

Hemen uzten dizkizuegu argazki batzuk. Hurren arte!!!

Eguraldi ezin hobea eduki genuen maiatzeko azken asteburuan, eta horri esker, giro aparta izan zen Xoxoteko egunean…eta baita bezperan ere!

Larunbatean, Lagun Onak-eko sukaldariek bazkari “azpeitiar-azpeitiarra”, hau da, SEKULAKOA, prestatu zuten denontzat. Arraina eta mariskoa asetu arte!!!
Hori bai, berberetxoak faltan bota genituen…hurrengo urtean Danik ekarriko ditu !!!

Artzaiak ere hurbildu ziren bixita egitera, eta Felix eta Bixente, urteroko ohiturari jarraituz, lotan geratu ziren aterpean.
Aurten lurrean egin behar izan zuten lo, logelako zurrungak ez entzuteko!!

Eta igandean, goiz jeiki eta lanera! Gure bostgarren Xoxoteko eguna da jadanik, eta bakoitzak bere postua ondo ikasia daukanez, segituan hartu genion erritmoa. Jende asko zegoen momentuetan ere, oso azkar joan zen dena, eta konturatzerako eguerdia heldu zen…A ze lan taldea daukagun!!!!

Aterpe ingurua jendez bete zen, eta haurrek primeran pasa zuten jolasean.

Gogor lan egin eta gero…merezitako deskantsua!!

Eta bukatzeko, talde osoaren argazkia.
Eskerrik asko beste behin ere egindako lanagatik…eta, ahal bada, hurrengo urterarte!!

BESARKADA BAT!!!

Urtero bezala, eskiatzaile taldea elkartu ginen aurreko asteburuan Xoxoten.
Altzolatik irten ginen larunbat goizean, eta euri zaparrada artean egin genuen bidea, arratsaldean heldu ginelarik aterpera.

Afalostean bideo emanaldia izan genuen Dolomitetan igarotako egunak gogoratzeko, eta igandean berriz Erlora igo ginen giroa hobetu zela ikusita.

Aquí os dejamos unas fotos para recordar los días que hemos pasado juntos. ¡¡¡Hasta pronto!!!

Aurreko igandean, eguraldi ezin hobearekin, VII.Izarraitzko mendi lasterketa ospatu zen.
Korrikalariak Azkoititik irten ziren goizeko 10:00etan, eta txalo artean egin zituzten lasterketaren 21 km.ak.

Oier Ariznabarreta (01:52:36) eta Oihana Kortzar (02:10:28) izan ziren helmugara iristen lehenak.

Zorionak guztioi!!!

Hemen lasterketako protagonista: AUPA BIXEN!!!

…eta sukaldeko ekipoa! Guk ere izerditan blai bukatu genuen igandeko “lasterketa”!!!

Larunbatean, Couchsurfing-en bidez elkartu zen talde hau Xoxoten.
Mundua ezagutzeko beste modu bat eskeintzen du web gune honek: Jendeak bere etxean leku bat uzten dizu, eta, trukean, zure etxean txoko bat eskeini dezakezu nahi duenarentzat.
Horrela oporrak merkeago ateratzen zaizkizu, eta jende desberdina ezagutzeko aukera daukazu gainera!

Hemen uzten dugu taldearen argazkia. Ondo izan!!